藝人李彩華（Rain）的父親在金融風暴時，因炒股欠下百萬巨債，15、6歲便入行的阿Rain肩負起養家責任，獨力賺錢替父親償還債項。對於有15歲少女賣肉為父還債，阿Rain對此表示十分震驚，她昨日在電話訪問中說：「我覺得呢個少女好可憐，我好同情佢，就算真係要幫屋企人還債，都唔使去賣肉，甚至想走去自殺呢條絕路。」
建議向親友借錢
李彩華認為，為親人解決債務問題，可以嘗試尋求另外一些辦法，她說：「佢或者可以試吓搵親戚商量借錢，一家人冇乜嘢係解決唔到嘅，我希望嗰位少女要珍惜生命，千祈唔好再諗唔開。其實佢爸爸爭人錢都可能係唔想，我希望佢兩父女經過呢件事之後都要振作做人。」
此外，李香琴胞弟李樹佳因為嗜賭，過去琴姐不只一次為胞弟還賭債，更因此登報與他斷絕關係。對於少女為幫家人還債接客，並走上自殺之路，琴姐昨在電話中慨歎說：「聽到梗係心痛啦！但我嗰筆10幾年前嘅事，唔想講喇！」
本報記者