吳卓羲早前為商台《有誰共鳴》節目擔任嘉賓主持，佢透露以前佢家姐喺舞蹈學校學跳舞，成日返屋企播梅艷芳嘅《慾望野獸街》嚟練習，令佢愛上咗呢首歌，仲因此而加入舞蹈訓練班。講到以前飾演嘅角色入面，邊個最似佢本人，吳卓羲就揀咗《男人之苦》裏面嘅住家男人角色，佢話自己係家庭經濟支柱，仲係顧家同孝順父母嘅男人喎。