喺西甲搏命護緊級嘅畢爾包，周日聯賽主場1:0擊敗馬略卡，𠵱家以37分排喺17位，多尾三皇家蘇斯達4分。射入呢個咁重要嘅入球係邊個？之唔係老臣子前鋒烏沙斯囉！畢爾包歷來從未試過喺西乙作賽，如果季尾真係死唔去唔使降班，真係要多得呢位35歲老將，因為佢今季射入咗8球為球隊次席射手，年年都靠佢㗎啦！