自從上月中大摩公佈由滙豐挖走裴布雷（BlairPickerell）之後，佢嘅滙豐投資管理亞太區行政總裁職位，一直冇講邊個接任，噚日滙豐終於宣佈，搵咗原本睇開德國、奧地利同東歐投資業務嘅區邦彥（RudolfApenbrink），轉嚟亞太區擔任新職，7月中旬履新。
區邦彥93年加盟德國嘅HSBCTrinkaus&Burkhardt，03年起負責滙豐投資管理喺德國嘅業務發展。滙豐搵一位睇開歐洲市場嘅人嚟睇亞太區投資管理業務，令人有啲摸不着頭腦。至於行內人評價甚高嘅Pickerell，就喺亞洲打滾咗25年，可以話係亞洲通，今次佢搵到好路數，跳槽去大摩，出任投資管理部亞洲區主管，將於6月開始返工。