有啲人（尤其係同版港男金手指兄），成日話港女貪慕虛榮冇質素，一日掛住釣金龜嫁入豪門，查實，唔少港男咪又唔想捱，希望「娶」個有錢人，一入侯門深似海，佢哋嗰種痛，分分鐘痛過啲港女十倍，到底係「娶老婆」定「嫁老婆」？真係只有佢哋先知！
惡補禮儀免失禮
好似先排拖行馬去泰國行禮嗰pair，新郎哥就係呢種港男！話說本身都係專業人士嘅佢，經已有位半住埋多年（理論上等如老婆）嘅女朋友，只係爭個名份，但突然因為工作關係結識咗溫室千金小姐，於是就起勢猛追，最後贏得美人歸！至於糟糠女友，叫咗咁多年糊，最後冇得嫁，真係聞者心酸！
負心男成功入豪門晉身上流社會，又係咪想像中咁happy呢？未必！聽聞太座大人嫌佢啲番文略帶香港口音，於是一結完婚就「建議」佢去學番文，最好順便學多幾種語言，咁第日帶佢去應酬時唔怕失禮人，另外，就係惡補下啲上流社會禮儀咁囉，唔係分分鐘失禮埋女強人外母就弊！
所以話呢，唔理你係港男定港女，想坐地鐵真心咁笑，或者坐勞斯萊斯扮快樂？真係要三思、三思！
[email protected]