今年可以算係日本車發威嘅一年，上個月凌志LS460打低咗其他歐洲車對手如BMW同Audi等，榮登WorldCaroftheYear2007，呢個獎項係由全世界22個國家記者所組成嘅委員會選出，所以雖然只主辦咗三屆（2005年係AudiA6、06年係BMW3系），但由於深具代表性，所以喺世界都好矚目，亦證明咗日本品牌嘅汽車已經由以往畀人嘅平價形象搖身一變成為品質保證。
除此之外，今年各大日本車廠都擴大版圖侵佔世界，喺設備投資方面更係投入咗天文數字。例如豐田就喺北美、中國同俄羅斯等工廠投入1兆5,000億日圓（約港幣945億），萬事得就比去年增加13%設備投資，總數達7,100億日圓（約港幣462億），Suzuki等亦加咗20%達2,500億日圓（約港幣163億）。睇怕再過幾年之後，日本車就會好似紅火蟻咁霸晒成個市場，變成消費者唯一選擇囉。
記者：周達之