英國《世界新聞》報爆料，話林柏特同車路士傾新約傾唔掂數，來季極可能轉投巴塞，亦有報道指皇馬同祖雲達斯都想打佢主意。計我求大俠話，「林伯」去西班牙發展嘅機會都幾高，事關啱啱為佢生咗個女嘅女友莉維絲係西班牙人。所謂英雄難過美人關，以前施丹同舒夫真高都遷就另一半而決定去向，睇嚟下一個輪到林柏特嘞。