２）勤+緣（2366）14個交易日內由2.13元飛上3.95元，升幅85%。與其流口水，不如搵同類股埋手。
今周副選，揀中國星（326）。勤+緣喺內地搞電視劇集，中國星拍片，更巴閉嘅係有1200套影片，片庫每套賬面值唔夠10萬元，賣出去，每套好似去年賺40萬，條數襟計，可能高達4至5億元，較本身市值3.4億元仲要高。計埋本身NAV個底每股0.99元，現價0.42元平到痹。
嘉禾（2922）、寰宇（1046）、玉皇朝（970）隻隻已經早已飛咗上去，勤+緣之後，輪都輪到中國星等炒，目標價海闊天空，去番兩年前高位1.13元，打個折頭，都非常和味龍。