大部份昆蟲對人類無惡意，人類見到牠們卻嚇到驚惶失措殺之而後快，網友smallpotato自言有「超驚昆蟲症」。
「嚇到喊咗出嚟」
「我最怕夏天，因為我屋企近山邊，又成日要打開窗，呢排晚晚都有好多昆蟲飛咗入嚟，我驚到亂叫，發晒癲咁，全家人得我一個係驚呢啲嘢，真係唔知點克服好，我想問有咩辦法可以阻止到昆蟲飛入屋？」
BeautyExchange有不少同病相憐的姊妹，雪夢冰講述最恐怖經歷，「有次有隻黑甲蟲飛咗入屋，佢大膽到喺我個頭上面降落，我fing佢唔走，洗頭時發現佢仲喺頭髮度，嚇到我喊咗出嚟。個頭痕咗幾日，𠵱家啲朋友見到我，都有提起呢個咁特別嘅甲蟲髮飾。」姊姊妹妹對如何對付昆蟲各有辦法，Koney的較實際，「加個紗窗，大約500蚊一隻，但會令個窗好核突。」哈密貓建議用薄紗遮蓋窗口，「整出嚟仲好靚，可以考慮吓。」