第六話
由《當四葉草碰上劍尖時》到今日的大熱劇集《溏心風暴》，黎諾懿一直扮演乖乖仔角色，但在《溏》劇的一大突破，便是為了母親細契關菊英講大話，因此造成爭產大風波。對於這種愚孝乖仔，黎諾懿表示拍攝時也感到很無奈，踏上這種人生交叉點，他說：「手心係肉，手背又係肉，好難處理。」
黎諾懿入行多年一直予人乖乖仔印象，這次在《溏心風暴》中飾演細契的兒子阿歡，同樣以乖仔形象成功入屋，因母親細契的奸險，更令這位單純的兒子獲得一眾師奶同情，而大契李司棋臨終一句「普通朋友」，被他硬是改成「原諒咗你」，令細契有機會返回唐家爭產，則令觀眾對阿歡又愛又恨。
渴望扮演奸角
對於劇中阿歡表現的愚孝，黎諾懿表示十分無奈，他說：「其實真係好無奈，講大話都係為阿媽好，點知道成件事會變得越嚟越慘，唔知點去處理，總之手心又係肉，手背又係肉。」
黎諾懿笑言幸好現實中未曾遇過這種人生交叉點，他說：「好彩真係未試過，身邊個個都係好人，好少會處心積慮去做壞事，如果現實中真係呃得我嘅話，都唔會畀我知，所以以我本身性格都會幫忙。」
眼看細契關菊英奸到出汁的演技，令黎諾懿也十分希望挑戰奸角，最好奸到出街會遭人唾棄方為成功，他說：「奸角我都好想演吓，可以挑戰自己，如果到時出街俾人鬧，就真係代表自己演得好投入。另外我都想嘗試演殺手，因為我覺得做殺手都好有型。」
拍喊戲有難度
在《溏》劇與李司棋、關菊英及夏雨等演技派前輩合作，固然難度十足，但黎諾懿覺得更困難的，反而是拍喊戲，他說：「其實我都係拍呢套劇先知自己係唔識喊嘅人，因為我本身唔係好鍾意喊，性格都幾硬淨，所以初初拍嗰陣需要用眼藥水，之後喊吓喊吓就知幾時需要喊，𠵱家易喊好多同喊多咗喇。」
黎諾懿表示與一班前輩合作，除演技上獲益良多外，連食飯都比以往拍劇時多，他說：「未試過一套劇未播完都可以食成10餐以上嘅飯慶功，大家到𠵱家都好似一班朋友咁，今次除咗贏收視同口碑，仲贏埋友誼，真係好開心。」
採訪：王崇穎
攝影：陳慧安
