做演員能唔能夠靠個角色彈起，除咗睇本身演技同劇本之外，對手都好重要。好似喺公仔箱捱咗好多年嘅「藍仔」咁，佢最近喺部師奶劇做其中一個男主角，戲份本來同其他男主角一樣佔咁多，諗住做咗二、三線咁多年，終於有機會上位，點知部劇出街之後，做佢老婆嘅「竹筒」猛俾人彈作狀，觀眾似乎唔多受落，幕後高層為咗迎合觀眾口味，嗱嗱臨剪咗好多竹筒嘅戲份，連帶藍仔同佢好幾場對手戲都剪埋，真係多得佢唔少！
其實同「竹筒」合作一啲都唔容易，因為佢份人脾氣好古怪，心情重飄忽過啲天氣，有時好小事就搞到唔高興發老脾，其他人講多句都俾佢鬧到一面屁，搞到成個做嘢氣氛都幾僵。
Textby關仁
