蘇施黃（阿蘇）噚日喺醫院管理局大樓出席病人戒煙服務啓動禮，有27年煙齡嘅佢話喺00年2月17日生日正式戒煙，最後一支煙係由張國榮（哥哥）幫佢整熄嘅，佢話：「嗰時成班朋友喺洲際酒店同我慶祝生日，踏入我生日前15分鐘我係咁食煙，食到去濾嘴個位都唔捨得掉，最後哥哥捉住我隻手整熄支煙，佢仲話咁鬼臭，叫我唔好再食。」