日本偶像組合Morning娘（晨女）隊長藤本美貴日前被雜誌拍到同諧星庄司智春拍拖，身為晨女前隊長嘅矢口真里前日喺佢演出嘅舞台劇首場演出上，就被記者問到佢對事件有乜睇法。當年矢口因為偷戀小栗旬而離隊，佢話消息真係好突然，仲叫記者直接去問當事人喎，成副幸災樂禍咁嘅樣。至於有份睇騷嘅成員高橋愛就話：「雖然我不知道內情，但作為副隊長的我要更加努力。」