聽日「畸寶」會播《變身特派員》，呢套日劇總共有3輯，除咗由高橋克典同埋Shiseido四美之一嘅囗原友里由頭帶到尾之外，另一特別之處就係有蒼井空、高樹瑪莉亞、紋舞蘭同埋小澤菜穗等AV明星客串。以前啲AV明星冇乜邊幾過可以從良，但𠵱家啲人嘅接受程度高咗，所以呢班女仔亦有機會轉形。話時話，呢齣劇都有啲鹽花，唔知「畸寶」會將啲出唔到街嘅片斷剪咗，定係打格仔呢？
講完日劇，梗係要推介日本波。今日3場日職聯，浦和紅鑽主場對道虛火冇咗嘅橫濱水手，3分冇走雞。
主客和：浦和紅鑽勝
心得：水手道氣冇晒，紅鑽贏硬
青蛙仔
型人一名，細細個就睇英國、德國波，大個就攻日本波。