夏雨年過40才成家立室，與太太相處20年，現育有兩子一女，小女兒只得10歲，他自認對女兒特別偏心，因此常被兩位兒子投訴，他說：「我本身好鍾意小朋友，年紀咁大先得到個女，佢又咁細，我梗係好寵佢，唔錫佢都唔係正常人啦，我直頭當佢心肝命椗。兩個仔成日話我偏心，佢兩個都10幾歲大啦，唔通我一見到佢哋，仲抱佢搞佢同錫佢塊面咩？」
大鮑性格優柔寡斷沒主見，與現實中的夏雨恰恰相反，他說：「我對自己嘅事業好有主見，屋企嘅事就全部交畀太太處理，我本身都好緊張啲仔女嘅，維繫成個家庭好重要㗎。」
「責任好緊要」
夏雨的太太與三名子女目前長居加拿大，他有時間便飛赴加拿大與家人團聚，相隔異地，夫妻感情如何？夏雨說：「結婚都成20年，你話好燦爛嘅愛情就當然冇，不過我哋感情好好，大家都以家庭為中心，我自己覺得責任好緊要，𠵱家大家都好少嘈交，有時嘈幾句當然有，我通常等佢鬧完就算喇。」