「滾猴」同「姣蛇」本來襯到爆，兩個都咁爛蒲，關仁聽聞女對男都幾癡心，滾猴對姣蛇亦都細心又聽話，但可惜衰爛滾，搞到分手收場。早排滾猴為咗箍煲，一廂情願搬去姣蛇幢大廈，同佢做鄰居，希望近水樓台先得月，不過佢咁做只係適得其反，事關滾猴成日借頭借路走去問管理員同埋鄰居，打探姣蛇嘅行蹤，又八卦吓會有乜嘢朋友上嚟探佢，轉頭姣蛇聽到街坊話番畀佢聽，滾猴勁索佢行蹤，搞到大家唔開心！俾記者影到滾猴日日喺佢幢大廈出入，就更加令人誤會。其實姣蛇呢兩年事業大躍進，佢望都望自己個男朋友生生性性，積極工作，創出一番成績，滾猴齋黐死𦧲，又點可能重奪姣蛇芳心呢？
Textby關仁