夏雨原名黃成，46年在廣州出生，62年報讀邵氏「南國實驗劇團訓練班」，後加入麗的呼聲當男主角，並改藝名為夏雨，74年轉投無綫做小生，曾擔正演出武俠名劇《名劍風流》，飾演俞佩玉一角，更多次於劇集《民間傳奇》演出小生，當年拍劇無數，最後因不滿無綫要求他轉型為中生，需擔演父親一類角色，遂決定轉往台灣發展。
自幼喜歡演戲
夏雨自幼愛演戲，讀書時作「我的志願」，也以當演員為目標。他自言年少時能當上男主角，令他意氣風發，他說：「嗰時自己啲修養都幾差，覺得自己10年可以攞金馬獎，再10年就可以攞奧斯卡，一直都以為自己好叻，但原來叻過你嘅人大把，每個演員都好想創新，想有自己獨特風格，但邊有咁多創新呀？其實做到演員已經係做到我一生人最想做嘅嘢。」
入行45年，夏雨經歷過不少甜酸苦辣，離開無綫到台灣發展，讓他有深刻體驗，他說：「嗰時我問監製做老竇角色擔戲多唔多，佢答我話會好少，所以最後我冇簽無綫，去咗台灣發展兩年，之後再返香港發展，嗰時心態都有改變，領略到演中生都可以好有戲路，唔同階段應該爭取唔同嘅嘢，以前劇集《鬥氣一族》出街後，好多街坊都叫我雞佬，𠵱家有時喺內地都播，都依然有人會咁叫，但我相信𠵱家啲人會改口叫大鮑。」
奪最佳男配角
夏雨於00年重返無綫後，演出過劇集《甜孫爺爺》，飾演方力申的父親，在劇集《識法代言人》中則扮演胡杏兒的父親，均大獲好評，其中他憑《甜》劇得到台慶夜的最佳男配角，證明綠葉也可以出類拔萃。
