每當失戀，胸口會否感到劇烈痛楚？網友「小粉皮」在高登討論區詢問為何失戀會令人心痛，「明明係用腦思考，點解唔係頭痛？點解唔係寃住個腎？寃住條腸？心臟冇思考能力，唔係生理性創傷，會唔會中國人提出嘅『心痛』係有根有據？」此話題隨即勾起網友各種失戀之痛。
土豆哥慨歎：「嗰種抽痛法真係好淒涼，我寧願畀刀仔拮大髀。」Sab15憶述，失戀令人全身痛楚，「我會覺得個胸好似唞唔到氣咁，個頭又好㷫，㷫到有啲暈，有時唔知點解連隻眼都有啲痛，即係望到光線隻眼會好刺痛。」「膠如潮水」則有另類反應，「覺得自己塊面皮好重，仲有麻痹感。」「高登使用者」嘗試從醫學角度解釋，「係咪啲血去晒腦嗰度，搞到血液唔循環，個心口要揼血揼得好大力，所以覺得心痛？」