明愛元朗長者社區中心轄下長者支援服務隊的獨居長者家居維修服務計劃，透過義工協助，為元朗市區、鄉郊及天水圍區內清貧獨居長者翻新及更換老化的家居設施，讓他們住得安心，同時又感受到社會人士關懷。蘋果日報慈善基金連續3年資助有關計劃，今年接續撥款40,000元推行有關計劃，預計有450名長者受惠。
日前，大師傅Sam哥帶領幾名得力高徒珠妹、大馬、阿坤及阿華，手捧水箱、門鉸等「架生」，在滂沱大雨中，精神抖擻地參與是項名為「家添溫暖獨居長者家居維修服務計劃」，到獨居長者家中展開「拯救行動」，為公公婆婆們解決困擾多時的家居「失修」問題。這班高徒「出差」前，已上過八堂課，由Sam哥教導更全面的家居維修知識。
師奶義工做出口碑
珠妹笑道﹕「我哋呢班師奶義工一開始確係因為外表畀人質疑實力，不過做耐咗，做出口碑，大家𠵱家對我哋好有信心，老人家一有嘢壞，第一時間就會搵我哋幫手。我已經做咗超過四年，一直本住助人助己嘅精神做落去，我真係好滿足，希望呢個計劃可以繼續落去。」
71歲的道婆婆家中的窗鉸及洗水盆去水位已損壞兩個月，但苦於無力聘請技工維修，便致電中心熱線，向長者支援服務隊尋求支援。她坦言﹕「上年我個廁所漏水，好彩得佢哋幫我整，今年佢哋又好好心幫我，我真係好感激。」
79歲彩裘婆婆則被廁所水箱漏水問題困擾達半年之久，她一臉感激地說﹕「呢半年，我日日搵布索水，真係好頭痛。月頭師傅上嚟幫我整燈膽，發現個水箱漏水，就即刻幫我換。佢哋咁主動幫我哋呢班無人無物，又淨靠綜援生活嘅老人家，真係好難得。依家整好咗，我就安樂晒囉。」