「大眼靚女」自從同「鏘鏘」拍拖後，成日高調拍拖，十指緊扣喺鏡頭前做真人騷晒恩愛。大眼靚女同鏘鏘嘅拍拖節目，最鍾意行勻港九發掘美食，關仁聽講佢哋去到啲細餐廳食嘢，鏘鏘最鍾意用銀彈政策，佢會問老闆可唔可以包場，咁樣咪可以同佢嘅美人女友靜雞雞撐枱腳，為咗𠱁女友開心，鏘鏘呢啲錢又點會慳，不過當然佢哋唔係次次都包場成功。
關仁聽聞有次佢哋又想包間日本餐廳，不過人哋因為一早俾客人book好晒，冇理由為咗失匙夾萬拍拖就得失晒其他熟客，呢次鏘鏘係冇面啲，佢惟有同honey做普通食客。關仁反而覺得間食肆老闆好公平，唔會為咗名人得失其他客人。
Textby關仁