噚日放假，以為可以好好咁瞓一覺，點知一朝早9點唔夠，樓上就傳嚟陣陣嘅裝修聲，啲電鑽聲巨到好似喺我耳邊鑽咁。
火到我本來諗住上去嘈條二打六，但係冇着衫兼得條「孖煙囪」嘅我，又邊得閒搞咁多嘢？加埋媽子一句「人哋都係做嘢啫。」我算數即刻再瞓……
今期《畢賭翁》推介法林明高，雖然近排成日提呢隊波有啲悶，但係畢傑極有心水嘅話無謂收埋食，平手盤唔買真係對唔住自己。我擂台已經重插咗，因為要力追蘋果波神，就係靠呢條飛上榜首！
推介：法林明高（平手）
心得：投資版同巴甲大勢推晒啦
畢傑
畢傑愛肥仔，所以最愛朗拿度；但更愛賭波，不倒翁最似我。