星期日係家庭日，好多人都鍾意一家大細上酒樓飲番餐茶，問題係又要等位，又要同人逼，莫講話聚天倫，點心都差啲要搶至有得食。其實，想家人悠閒歡聚食吓中式點心，不如喺屋企大家齊齊動手做咪仲有親子Feel。中式鹹點功夫多較難做，甜點則較簡單，今日一於速成學做幾款啦！
記者：林佩婷
攝影：周旭文
擂沙湯圓
需時：15分鐘
價錢：$10/2人
材料：糯米粉1杯、水3/4杯（搓粉用）、黑芝麻餡8粒、黃豆粉適量
做法：糯米粉加入水搓至滑身成粉糰，把粉糰分成等份，包入黑芝麻餡料。之後煲大半鍋水，水滾才落湯圓，煮至浮起。撈起湯圓，沾上適量黃豆粉即可。
貼士：湯圓一做好就要滾熟，因餡料為流質，攤放太耐容易穿漏。
杏仁豆腐
需時：1小時
價錢：$15/1人
材料：大菜4錢（浸軟）、鮮奶11/3碗、水23/4碗、杏仁香油/雜果各適量
做法：水/鮮奶煮滾，下大菜/杏仁香油。待大菜溶解後，倒於篩中隔去多餘渣滓成豆腐漿，之後倒入盤中，冷藏約45分鐘。凝固後切粒，加入雜果即可食用。
貼士：大菜一定要浸軟，煮滾先轉細火，否則不易溶。
芝麻卷
需時：15分鐘
價錢：$12/2人
材料：黑芝麻粉1盒、水5碗、粟粉1/4碗、馬蹄粉/糖各1/2碗
做法：黑芝麻粉加水拌成芝麻水；芝麻水/粟粉/馬蹄粉/糖拌勻後煮熟，倒入長方形盤中，隔水大火蒸約10分鐘，待凍後捲起切件即成。
貼士：黑芝麻粉不要過量，否則吃起來會很澀。
馬拉糕
需時：45分鐘
價錢：$15/2人
材料：麵粉/糖各14両、吉士粉/奶粉各2両、泡打粉8錢、梳打粉2錢、椰漿1罐、雞蛋10隻、鹼水1/2茶匙、溶牛油8安士
做法：麵粉/糖/吉士粉/奶粉/泡打粉/梳打粉拌勻，加入椰漿攪勻，再加入雞蛋，打滑後落鹼水，最後加溶牛油，拌勻後倒入蒸盤上。大火蒸30分鐘，取出切件便成。
貼士：泡打粉不能落太多，否則馬拉糕會變苦。
潮式水晶包
需時：15分鐘
價錢：$15/4人
材料：生粉2両、水1碗、蓮茸餡/豆沙餡各4粒、黑/白芝麻各適量
做法：將1/2碗水/生粉拌勻，餘下的水煮滾，撞入生粉水，拌勻成麵糰，麵糰切粒後輾成薄皮備用；餡料沾上適量芝麻後，以薄皮包好成水晶包，隔水大火蒸約5分鐘即成。
貼士：留意水溫，生粉太熟會變韌。整好皮後要快包，否則皮會變硬。
叉燒包最難學
怪師傅話，家居爐頭自然不及酒樓的專業，所以，蒸點心開大火之餘，還要注意蒸鑊有沒有漏氣；可用布包實鑊蓋周圍，以防蒸氣漏出。
至於咁多種中式點心，怪師傅認為叉燒包最難學，因為做法傳統，少用添加劑，味似之餘又要形似。他建議初學者，先學做新興點心如芒果雪花卷之類，雖然也有一定技巧，但就較易上手。
示範：怪師傅烹飪工作坊創辦人劉傑盛師傅
（23930622）
