天氣熱到爆，出海游水都不足以消暑降溫，直頭最好潛落水，連太陽都避開埋！不過玩得潛水，又氣樽又蛙鞋大堆裝備，1個人嘅架生已塞滿車尾箱，莫講三五知己一齊出發。咁嘅情形，雙龍最新嗰部ActyonSport2.0就大派用場，坐足5個人，全部裝備擺晒尾斗都得，加上柴油Turbo偈好力到爆，FullGearFullLoading無有怕！
記者：梁美甜 攝影：陳盛臣
模特兒：Winnie
潛水器材提供：DivingExpress
潛水教練都話正
潛水教練Denny：自選四驅功能，咩天氣之下行咩路都無有怕，個尾斗又裝得多嘢，成班朋友帶齊Gear去邊潛水都得，我真係幾Like佢！
SalesRicky：呢架雖然係Pickup車，但外形同私家車無咩分別，有埋四驅功能，仲比想像中有Power㖭！
全副武裝出海
一樣得
每次同朋友出海潛水玩Wakeborad，都遇到個好頭痛嘅問題，就係架車載得人嚟就載唔到Gear！今日呢架雙龍ActyonSports2.0就解決晒呢類惱人問題，皆因佢有五個雙色SportSeats，成班朋友都可以排排坐出動；最正係架車有個尾斗，除有防水間隔（DeckTrimCover），個斗嘅Capacity仲可以去到940磅，裝晒5個人嘅板都完全無難度，連埋5副潛水裝備連氣樽都仲有大把位剩，真係招積啲帶多兩個凍櫃連食物去野餐都仲得，至啱鍾意戶外活動兼要帶埋大堆架生嘅好動之人。
環保兼慳油每公里6毫
香港鍾意揸車嘅人都會遇到一個問題，尤其係玩四驅Turbo一族，架車馬力大嘅同時就係代表非常食油，油錢喺香港絕對唔係小數目，因此發現雙龍呢部全新ActyonSports2.0符合歐盟四型廢氣排放條例，行柴油慳錢得嚟夠環保，而2,000c.c.Turbo搭4前速自動波箱，令馬力最高可達141匹，即時開心到暈！由於採用新一代柴油引擎，以現時油價計算，即係每公里只約6毫子，耗油量同細車差不多，慳油又慳錢，啱晒Budgetline嘅玩家，好啱貪玩得嚟要平又要型嘅我！
豪華感媲美高級車
呢架ActyonSports雖則屬休閒農夫車，但車內外設備及系列相對於高級車款一點也不遜色；講實際，有前雙搖臂及後五連杆懸掛系統、選擇式四輪驅動，先在性能表現上令人安心；講賣相，前方鯊魚頭造型鬼面罩配鷹眼式頭燈，一個字：型！加埋原廠15吋合金輪圈、唔使執已出得街見人；講操控，中控台簡潔清楚，師奶都揸得掂，最正係音響常用功能鍵設喺軚盤上，轉CD、聽收音機都可手不離軚，夠安全喇啩！
7月出車送你尾冚同包圍
雖然呢架雙龍ActyonSports外形同私家車無異，但由於採用柴油引擎，入口登記為貨車，所以駕駛者必須有貨Van牌。據資深行家透露，在政府剛實施嘅環保減稅中，車主只要在賣車後，買入符合歐盟環保條例嘅新車，可獲減稅最多二萬元。詳情可瀏覽運輸署網頁（www.td.gov.hk）。
另外，原廠車Standard本身無尾冚、腳踏、同18吋胎軨，加裝就要加錢，但代理話7月出車就免費送晒呢堆Option過你，幾抵玩喎！
潛水靚景
好介紹
「香港有好多潛水好地方，唔使搭船揸車都去到嘅就有西貢小棕林，以及清水灣龍蝦灣。近近哋都可以見到香港常見的小丑魚同埋軟珊瑚；而龍蝦灣對外海底仲有架沉車，有好多魚仔聚集，幾靚㗎！」
雙龍ActyonSports2.0規格
引擎：1,990c.c.直4Turbo
馬力：141hp
扭力：31.6kg-m
傳動：4前速自動波，選擇式4輪驅動
尺碼：4,965×1,900×1,755mm
車重：2,740kg
查詢：嘉信汽車（21172287）
