本來對免費台嘅《謎》充滿咗期待，尤其身邊有位好奇心極重嘅朋友，所以開始嘅時候都有討論吓內容。誰不知睇多兩集，我已經冇再提起個節目，唔理秋官同「正字王」幾咁做作，扮到幾咁神秘，都再吸引唔到我去追睇，尤其呢期講「人狼」嘅古仔，結論係「零」。講真，乜態度都冇照稿讀，有鬼人睇咩！
最慘係將古仔拉長嚟做，片段重複又重複咁播，一個字「悶」！講番今日推介，西維爾衞冕歐協盃，不過睇番佢哋呢排賽程密不透風，女鐵人都要唞啦，所以我覺得薩拉戈薩有計會爆冷！
讓球主客和：薩拉戈薩勝[+1]
心得：西維爾冇得唞撐唔過
賴恩
筆者崇尚以小博大，敗不傷，勝則笑。乏味雞肋何惜之！