旺角逛AV店有如入賭場，Sales心嗰句係：「有買趁手！」問多兩句隨時黑面侍候；如果你同筆者一樣，好耐冇嘗過Hea住買影音產品嘅樂趣，花園街新開樓上舖PCClub或者可以畀到你呢種老調情懷；SHARP65"高清機王狂播片，揼到你骨頭都鬆嘅按摩椅等你坐，DIY嘅Espresso或Cappuccino任斟任飲；條件只係要你$50「踢入會」，買嘢時仲有會員折扣同積分回贈，行AV舖？隨時爽過落Club！
記者：馬靜兒 攝影：陳陶鈞
Model：Peggy
花園大廈行貨洗底
曾幾何時花園大廈係水貨店橋頭堡，不過自「華記」倒下，就變得人去、樓空；正是深水埗黃金都要洗底行「老正」；新入主花園3樓龍頭舖嘅PCClub，須知係香港老牌AV名店——東園電器嘅附屬公司，所賣嘅家電及影音產品，全部都攞正原裝行貨，由此亦可見證香港水貨已死嘅新時代到臨！
免費咖啡按摩睇高清
旺角上樓舖嘅PCClub，800多呎舖面唔算好大，主力售賣電視、電子相架、喇叭、洗衣機、雪櫃等家電影音產品；基本呢度行會員制，只要交$50入會費就可以做會員，即時送$50現金優惠買產品（變相唔使錢入會）；較特別係呢度可以Hea住嚟試影音產品，開創先河者係呢度Set晒免費任坐按摩椅，俾你歎住睇SHARP65"LCDTVDream機做試播；喺度試機仲有一樣不可思議事件，因為你會見到好多人呷住Espresso或Cappuccino嚟睇機，原因係店內仲設有自製咖啡機俾會員任斟任飲，今時今日呢種服務態度，真係行勻成個香港都好難搵到第二間。
買嘢有折 有分儲
喺度做會員睇電器歎世界之餘，行得去上樓舖當然想買嘢啦，冇嘢會比有折扣更實際；就如女仔買護膚品、買衫，VIP有特別折扣，又可以儲分換禮物，Shopping都開心啲。會員購買不同貨品都有優惠，平均可以去到七至九折，真係好過送毛毛公仔同精品多多聲，又唔使跟售貨員討價還價；此外，呢度買嘢仲好似信用卡咁有儲分制，$1可換1分，250分就可以當$1現金使（記者按：打過算盤，1萬蚊=$40現金回贈，只可算聊勝於無）。不過喺度掃貨主力係電器同影音產品，欠缺大家最愛嘅手機同相機，真係有點若有所失。
抵玩必買
靚畫HDMIDVD機
平玩都要講質素，韓國牌子JNC出品，已經比好多國產DVDPlayer有保證，最正係佢對應到好多LCDTV，做到HDMI輸出，兼支援1080i，$299玩靚畫質絕對贏晒；新舖開張為咗做得更體貼，跟機重加送HDMICable（每日限送10條）。另外機身仲附設卡拉OK功能，開心起嚟唱兩嘴都仲得。
JNCSSD2813HD
原價$399
會員價$299（七五折）
手提DVD機送《綁架》戲飛
國產Malata手提式DVD機，8.5"屏幕16:9特大闊屏，解像度達480×234，畫質算OK。基本DVD同AudioCD都玩晒，最正仲可以睇埋電視，絕對娛樂性豐富；會員價除有得減外，仲加送《綁架》戲票2張。
MalataPDC78501
原價：$1,290
會員價：$1,150（八九折）
黑膠燒CD唱機
全新黑膠唱盤，𠵱家都唔係咁易搵，如果你屋企都有成堆黑膠舊碟封印多年，你都可以諗吓TEAC呢隻GF350；音質雖非及鑑賞級，但已屬中上靚聲級數，最勁係佢仲可以將陳年黑膠轉錄成CD；好多Pro級玩家試過，都話可媲美上萬蚊嘅轉錄設備。
TEACGF350
原價：$3,380
會員價：$2,890（八五折）
SANYOXacti
高解像數碼攝錄
SANYOXacti「手槍形」數碼攝錄機，可以話由佢打開記憶卡攝錄機潮流；新一代HD2，行特靚畫質1,280×720解析度/30fps（MPEG-4），論細緻畫質，真係連一般手提DV機都要行埋一邊，機身仲配置有HDMI輸出，俾你直駁電視作輸出，真係好方便，𠵱家出機仲加送2GBSD記憶卡一張，買咗即刻有得玩。
SANYOXactiHD2
原價：$4,980
會員價：$4,600（九二折）
駁MP3機柔聲2.1膽機
2.1喇叭配AMP功能，睇落有啲反潮流；睇真啲，原來機身配備有真空管，真係幾別致吓！測試後評，真係唔止「吊味膽」咁簡單，用嚟駁iPod、MP3機一類數碼裝置，真係做到柔化嘅作用，煲機半個鐘左右，膽機味道出晒嚟，播抒情民歌類至正；至於喇叭特性，係中音人聲同低音會特別出，玩得幾專業吓。
ZetaZTSP303
原價$1,280
會員價$998
（七八折/限售5部）
PCClub（27873348）
地址：旺角花園街75-77號花園商業大廈3/F
（由即日至6月30日免費入會）