雖則我唔係史特加嘅「粉絲」，但對呢支新鮮出爐嘅德甲冠軍都幾有印象。無他嘅，皆因佢哋嘅美派球員特別多。喺十幾廿年前，佢哋就有個叫K科士打嘅球員，仲靚仔過𠵱家嘅代表希廸布蘭；好記得第一次睇K科士打踢波係喺86年墨西哥世界盃，喺嗰陣時佢係德國嘅首席盯人中堅，咪睇佢生得靚靚仔仔斯斯文文，原來喺球場上好鬼勇悍，有時仲幾茅㖭。
今晚史特加同紐倫堡爭德國盃，連埋上個禮拜德甲煞科戰連贏9場，所謂長路有盡時，博佢哋斷纜兼撐吾中，要受讓平/半嘅紐倫堡下盤。
讓球：紐倫堡（下盤）
心得：唔信史特加可以10連勝
青蛙仔
型人一名，細細個就睇英國、德國波，大個就攻日本波。