電視劇《師奶兵團》現正熱播，劇中飾演「阿檬」的鄧萃雯，前晚往亞洲博覽館出席活動，雯女坦承現實生活中也是師奶仔一名，因試過買樓變負資產、買股票被綁死，直言一心不能二用，無法邊開工邊留意股價上落，所以選擇最老套保守的儲錢方法，就是將所有錢放在銀行收息。
鄧萃雯及陳法蓉前晚往亞洲博覽館出席「亞洲國際藝術古董展2007」，兩人在現場義賣門券，所得善款將捐往博愛醫院。在電視劇《師奶兵團》中飾演典型屋邨師奶的鄧萃雯，直言現實生活的她也是師奶仔一名，她說：「我冇身家買古董，觀賞吓就OK，萬一屋企火燭，啲古董件件都咁貴，都唔知帶得邊件走。」
開工難昅股市
雯女自言生活越來越平民化，最喜歡買食物，問她拍劇多年，賺到的錢怎樣投資保值？她說：「我係用最保守嘅方法，就係將啲錢儲喺銀行，我連樓都冇層㗎，因為試過負資產，怕怕啦，我買樓又蝕、買股票個市又冧，都係乜都唔買，唔好累人。同埋我唔可以一心二用，一開劇就唔得閒聽啲經紀電話，我最憎啲人喺片場一邊開工一邊㩒股票機。」看起來無欲無求的她，晚年以甚麼作依靠？雯女說：「我有天父咪得囉。」
Mikki家曾藏寶
此外，有份示範的名模姚書軼（Mikki）原來對古董大有研究，她表示最喜歡的是宋朝白瓷，又透露太公在清朝時曾做官，家中曾有不少古董及字畫，但後來因為要走難，所以只能把金銀珠寶帶走。
採訪：DebbieLum
攝影：RickyChan
