歐聯決賽已經踢完，換句話說，06/07球季已到尾聲，𠵱家只得番意甲同西甲！國際米蘭喺冇對手嘅情況下，順利做咗冠軍，對我嚟講，一啲驚喜都冇！反而西甲就無限精采，鬥到最後呢幾星期，可以話未有一隊有壓倒性優勢。邊個話巴塞、皇馬一定係第1、第2，隨時係西維爾贏冠軍都唔奇，史特加已經係好例子！
我覺得數字上仲有奪冠希望嘅華倫西亞，主場對維拉利爾，華倫主勝機會會好大！不過，就算有1.6嘅「主客和」，我都唔會博，原因只有一個：維拉利爾要爭歐協盃資格，我怕和波！
小弟雖然希望華倫奪冠（我是華倫球迷），奪冠係我嘅主觀願望，球員會咁諗嗎？保住歐聯資格係最終目標，所以我怕呢場波會係和局！而客隊要趕過馬體會，亦要搶分。所以，我會估呢場波開入球「大」！兩隊近況真係好好，華倫已經4連勝，贏薩拉戈薩，亦贏過西維爾，夠說服力。另一邊嘅維拉利爾，贏過巴塞，歇冬後，表現極佳！兩隊鬥攻，信我，呢場波「大」硬！
周鵬
商業1台《球迷集中贏》主持
電郵：[email protected]