歐聯決賽，辛頓成談論焦點，大部份聲音都係唔明點解用佢打正選；但發出呢個疑問嘅人，喺呢一年內都應該有讚過下賓帥真係一個有料領隊，人云亦云？又或者，佢老人家冇得揀呢？
奧雲復出，大球會爭住要；傳聞還傳聞，空穴來風，係英傳媒一廂情願，希望呢位帶畀過國民憧憬嘅前鋒，擺脫傷患後仲有得上？抑或唔想已經由仔變佬嘅奧雲，繼續留喺紐卡素，步戴亞、柏加、杜夫後塵，等住傷多鑊勁？又事實上，奧雲最好賣嘅係速度，𠵱家仲有冇貨呢？
呢個禮拜的確有好多疑問，今晚法甲，雷恩單靠表面要爭歐洲賽嘅所謂戰意，就作客讓得起贏輸都冇乜相干嘅里爾平/半？咁簡單，阿爾克馬爾當日就唔會輸畀精英隊，搞到個冠軍都冇埋啦。
波膽：里爾和1:1
心得：唔求賠率博下盤
華度
貼士嘅嘢，邊有實贏？睇相佬就話我有運行，冇點你！