現時《地鐵附例》已禁止乘客講粗口，公民黨立法會議員譚香文本年初曾在地鐵遇上涉嫌爆粗的青年，一怒之下打999報警，警員立即到場調查，當時譚香文也大感詫異，「吓！原來地鐵真係唔講得粗口㗎！」不過，她對加重刑罰頗有保留，「罰款已經有阻嚇性，但係如果講粗口都要坐監，係咪有啲嚴苛呢？」
排期9月審訊
譚香文憶述，今年2月2日晚從中環站坐地鐵回家途中，鄰座貌似20多歲的青年懷疑與友人通電話時不停爆粗，譚香文忍無可忍，直斥其非，青年語帶譏諷地回應：「黐線，關你乜事？地鐵唔畀講粗口㗎？報警吖！」譚香文隨即用手機報警，兩人在尖沙嘴站下車，警員同時到場調查。當時青年還未「知衰」，「阿Sir，地鐵唔講得粗口㗎？」豈料該名警員回答：「地鐵係唔可以講粗口嘅。」青年被警員帶走及落口供，由於他不承認爆粗控罪，案件正排期至9月審訊，屆時譚香文將出庭作證。
兩鐵合併後有關條例將提高罰則，由罰款5,000元加至同時判監六個月。譚香文一向反對人講粗口，「好多市民都講，喺女性面前講就係性騷擾㖭，唔應該鼓勵。」不過她認為政府同兩鐵草擬罰則時，應考慮市民意見及條例能否執行，包括會否派職員巡查，及過往成功檢控的統計等。
本報記者