旺勢持續好一陣子，周中替本報頭版貼AC米蘭贏2:1波膽都中埋；今周熟悉賽事選擇不多，但反正手風正順，決以一些注碼博取高風險的回報，例如筆者最喜嘅「總入球」同「波膽」過關，寧買當頭起，今日重心必屬此刻最正氣嘅皇馬，同謝幕嘅法甲霸主里昂，做「大」show。
上周我已說「決賽必捧下盤」這理論用不着，又或者你聽到有人說「本地各報章多推介AC，必死無疑嘞」，再強調這類坊間似是而非嘅理論多的是，但最緊要以客觀分析賽事結合分頭至正路。個人一向對意甲波冇好感，但去到下注時實不宜感情用事，更要戒鍾意嗰隊賭大啲，或者「最憎某隊波，一定唔捧佢」，你憎佢唔代表佢唔幫你贏錢，有時喺賭波嘅世界，無情無義都幾受用㗎！不過能夠貼中個2.33倍嘅超冷入球「大」，喺度要多謝牽牛兄，消夜我嘅！
講番正題，大家要留意從巴西工作歸來、近期手風亦大順嘅畢傑兄嘅貼士，巴甲留番佢主打，但喺西甲點都要沾下佢嘅旺氣，捧吓皇馬；近排都有捧呢隊波場睇直播，只見班波氣勢運氣兼備，個人認為最終可壓倒古靈精怪嘅巴塞，後上封王；今周雙雄俱主場出擊，單W同樣係1.22倍熱燙手，但睇兩隊對手，拉科上仗對西維爾，輸得肉酸，決大注買入球「大」兼皇馬大炒波膽。
里昂又係「大」波格
另一場博法甲王里昂煞科戰同包尾嘅南特，雖然主隊賽前傳出內亂（連教練侯利亞亦剛宣佈辭職），但翻查里昂近5季煞科戰4次開「大」，上季主場炒勒芒8:1；至於些路廸對鄧弗姆林爭盃仔，對上4次對賽3次開總入球3球，有4倍多抵博。
重心出擊
入球大細
皇馬大
蘋果波神
狂迷英國波，尊崇雲格；成與敗，視乎你是否找到真快樂！