呢排最大單都係歐聯決賽，講真AC同利記都唔係我杯茶，不過謝拉特係我最鍾意嘅英格蘭球員，睇波嗰陣點都偏幫「利記」少少。
畢傑最愛嘅祖雲達斯下季就重返意甲，AC你哋睇住嚟啦！呢句說話包括同最愛AC嘅藍鑽石兄講嘅。如果「祖記」下季可以買到朗拿度、廸高、謝拉特同朗尼，咁就開心死我囉。
發完夢，講番今個禮拜心水，畢傑雖然自巴西返港後啲巴西波全中，但周六3場巴甲冇乜信心，避一避，話晒財不入急門。我千揀萬揀，揀個史特加上盤玩吓。
讓球：史特加（上盤）
心得：近季德甲好興雙料冠軍
畢傑
畢傑愛肥仔，所以最愛朗拿度；但更愛賭波，不倒翁最似我。