外國用麵包夾腸仔是有名的hotdog熱狗，香港人自創一個變奏版本，成為街頭巷尾麵包店長青包點──腸仔包。不少人由細食到大，食腸仔包也各有心得，肥妹仔表示，她吃腸仔包時，會先吃外層的麵包，再慢慢品嚐那條滋味的腸仔，「永遠唔會夾埋一齊食，我覺得分開食好食好多，你哋會唔會咁食法呢？」
Kit說，細個時都是先食包後食腸，覺得分開食才可享受到腸仔的真味道，「𠵱家大個咗，就無咁食嘞。」麥兜則說，「我係食咗條香腸先食個包。」一個腸仔包令網友細味童年的樂趣，回想以往上學時，會買腸仔包作早餐，「媽媽會買個腸仔包畀我帶返學校，搭校車時食包，小息時食腸。」Cindy說最討厭無餡的「齋」包，「我通常食剩最尾嗰啖包就丟咗佢。」
為甚麼𡃁仔時把腸仔與包分開吃，人長大了卻不會如此做呢？Hold-on說：「朝早好趕時間返工，食腸仔包都係幾啖食晒落肚就算，邊有得慢慢歎。」怪俠慨歎為世所迫，就算只是吃一個腸仔包的時間，也十分奢侈，「求其塞飽就算啦。」