李司棋前晚接受訪問，談到子青即流露滿足表情，她想起以往女兒故意夜歸避開她，後來更突然搬走，當時子青才16歲。直到一天，司棋媽媽在家收到子青打來的電話，司棋姐說：「我做阿媽都冇咁嬲，做婆婆嘅仲嬲啲，話個女咁耐都唔搵返阿媽，再過一年就衰多一分，其實我做阿媽嘅都有唔啱，我自己都冇搵過個女。」
談退休生活
到97年子青回港，司棋姐到機場接機，7年不見，發覺女兒長大了，而且長得很漂亮。早前女兒還帶男朋友去見她，司棋姐說：「個女話佢男友同媽媽嘅關係好好，有時講電話好似同女朋友講嘢咁，呢個媽媽好成功，要一直冇離開過個仔，關係先可以咁好，我個女同佢一齊最緊要開心。」
談到退休後的生活，子青曾表示：「當媽咪退休鐘意返加拿大定居時，我哋唔會一齊住，但會住附近，各人可擁有自己空間。」知道女兒有為自己安排，司棋姐則說：「以前係咁講過，𠵱家睇法唔同，我身體唔好，對腳有時唔行得，多數都唔會去喇，個女有自己生活，我唔想去拖累佢。」
採訪：卓美娟
攝影：仇志德