談到現役的兵工廠最愛，Freda二話不說是北歐型男龍格保，然而，她坦言自己並非因前者型英帥靚正才入「廠」當「兵」，反而是迷上了阿仙奴，才喜歡「龍哥」的，確是「非典型」球迷。
對於頭號偶像龍格保的看法：「我覺得佢係今季陣中最勤力嘅球員，今季唔少人批評佢跌晒watt，但我認為佢同以前分別唔大，一樣做番以往同伯金做嘅野，好似撞牆入楔、後上入禁區射波等，只係啲新人同佢夾唔到……；不過，就算佢下季真係走，我都依然係阿仙奴球迷，因為我係鍾意晒佢哋，allthegunners！」
亨利尹佩斯列次選
對於2號偶像亨利的看法：「夠快，佢爆炸力好驚人，完全估佢唔到；佢對球隊好重要，佢一落場就感染到其他隊友。」
對於3號偶像尹佩斯的看法：「其實，佢係幸運童子，好多時佢喺度，阿仙奴都好有運咁贏波（佢唔靚仔咩？）吓？如果講靚仔，我覺得禾確特同阿曼度查奧爾仲靚仔，但我又唔係為咗靚仔而睇波，所以冇乜關係。」