萬眾期待的電影《加勒比海盜：魔盜王終極之戰》前晚在香港廸士尼樂園舉行首映，大會安排廖碧兒穿上海盜服進行啓航儀式，往捧場的包括任葆琳、張繼聰及其懷孕8個月的太太謝安琪、ILoveUBoy'z（艾粒）、熊黛林及王敏德一家等。
取笑吳卓羲
廖碧兒在台上將破票房紀錄，讀錯成「票咗票房紀錄」，她又說：「我係香港第一個喺廸士尼開party慶祝生日嘅人，當時大會仲送咗個好大嘅Mickey公仔畀我。」吳卓羲曾念錯尊尼狄普英文名，昨日艾粒成員少爺占又寸吳卓羲說：「咦？呢個係咪吳卓義（羲）鍾意嘅JohnnyDeep（Depp）？」
有份欣賞首映的名模陳沛嘉昨日在電話中說：「好好睇，愛情線OK，化妝好逼真，發哥演得出色，英語流利，可惜戲份太少。」任葆琳說：「對白幾生鬼有趣，有啲笑位幾幽默，最搶嘅角色一定係周潤發，佢真係做得好好。」但張繼聰則說：「特技依然出色，好有氣勢，但節奏有少少冗長，同埋好失望發哥嘅角色好少戲份。」
採訪：藍文浩、林妙萍 攝影：陳慧安
