「瘦骨美人」久休復出開演唱會，外間叫好叫座，當然個個happy，但最唔like嘅，相信應該就係贊助商。「瘦骨美人」個演唱會由珠寶公司全力贊助，蘇said之前聽講珠寶公司特登設計咗多套首飾畀佢戴，幾百萬走唔甩，但好奇怪，睇勻全場一件首飾仔都冇，原來「瘦骨美人」對於大盤珠寶冇feel，只係頭場戴過吓一隻戒指仔，之後仲除埋，拒絕再戴。
贊助商諗你要顧形象，都唔緊要，最弊「瘦骨美人」喺台上送禮時，多次勁踩贊助商嘅贈品，笑人哋係塵咁細粒鑽石，一啲面都唔畀，「瘦骨美人」咁唔合作，又唔識做，贊助商下次仲邊敢揼大嚿錢出嚟贊助吖！
撰文：阿蘇
本欄逢周一至六刊出