鄭秀文（Sammi）前晚在紅館演出第五場個唱，請來鄭融任嘉賓，杜麗莎、梁靜茹及陳慧嫻等都有捧場。Sammi被周刊《東方新地》指停經，氣得在個唱上由頭鬧到尾，她先說：「呢本雜誌好鍾意寫我，我休息三年，做咗10幾20次封面，死咗兩次，鬼剃頭咗17次，喺騎樓割脈咗20次，跳樓跳咗30次，最新鮮話我停經，我都唔好意思講，雖然呢個月未嚟，我仲等緊我auntie㗎，我auntie唔搵我就唯佢是問。」
上圍31A
Sammi後來又謂：「話停就停我咪好冇面，auntie快啲嚟。」她又指指頭髮說：「不知幾濃密，成日話我甩頭髮。」她再指身材謂：「之前有32A，呢排瘦咗一吋，得31A。」此外，鄭融昨日到商台接受訪問，對於Sammi的服裝被指抄襲，她說：「我都有同佢個設計師合作過，我覺得佢啲衫可以夾到Sammi嘅風格，好似超窄身褲、超低胸都係Sammi個唱都有嘅元素。」
撰文：丁寧