我呢個跑車Fans，一直都好鍾意BMW嗰部Z4MCoupe，雖然如果我揸住佢出街，無可能會享受到Roadster開篷版所帶來嘅樂趣，但佢嘅線條真係好靚、好有肌肉感。不過，德國著名改裝公司Hamann卻大聲嗌話唔夠喉，跟住仲推出咗名為咗HamannRenntaxi嘅特別版，希望可以用佢嚟引吓我哋班車迷喎！
記者：鄭達基
內外大改Sell跑格
BMWZ4MCoupe原本嘅Look已經好有硬頂Coupe跑車應有嗰份辛辣味，但Hamann就再幫佢換咗連擾流裝置嘅頭泵把、車身兩側裙腳、車尾定翼等等之外，就連胎軨都換埋做尺寸較大嘅款式，令人一睇就知佢係一部超辣跑車，咪行埋佢身嗰隻。
車廂方面又改咗啲咩呢？哈，巴閉啦！事關你打開車門，就會發覺一雙座椅變咗做RECARO嘅真皮款式，手觸感唔錯之餘，喺高速走彎嗰陣仲可以畀到你有好高嘅承托力；另外，車內不少設備也改用鋁質物料製造，從而達到減輕車重嘅效果。引擎則依舊是那台3.2公升直6引擎，由於佢哋未有公佈有關輸出數據，要稍後時間先可以作實，但相信至少會增至358匹或以上。