打工仔返工經常受氣，做錯事要被上司責罵，除了一些無理取鬧的批評外，有網友說其實有些評語都幾中肯，又說上司鬧人也不乏精警句子，聽到也不禁莞爾。
笨小A稱近日上司有新的鬧人句子，「你最叻準時對六合彩，做嘢一啲都唔叻。」網民「醒水」指他的上司鬧人很直接，「死鏟！做唔夠數咪旨意八點收工！」或當面說：「我唔阻你發達！」
「俾你激到標暗瘡」
網友東方不敗表示老闆會鼓勵下屬提高士氣，「無精無神，點樣搵銀。」Nana認為上司懶幽默，「佢最鍾意話『我俾你激到標咗粒暗瘡出嚟』。」
網友lync提供的老闆鬧人精句最多人欣賞，「有一次我將個mission做得好好，佢竟然講咗句：『一個停咗嘅鐘，每日都會啱兩次。』」
很多網友也認為這是鬧人最精警的句子，甚至是辦公室鬧人絕句，就算被人用這句說話批評，也可能不怒反笑，「咁都講得出，俾佢鬧都抵。」