「黑盤王」今季最後一次同大家見面，希望好頭好尾，為捧場球迷帶來進帳。
法甲今周就煞科，基本上大局已定。今周就有一場表面強弱懸殊，但係又好「鬼」嘅比賽，里昂主場對南特，第1對第20，牛頭角順嫂都知道點買；不過里昂呢排真係「輸死人」，攞咗冠軍後，成隊波心散晒，近8場盤路竟然係1贏1走6輸，堂堂冠軍竟然成為「黑盤王」，認真羞家；而且里昂內部問題多多，前阿仙奴前鋒韋托特，因為不滿教練侯利亞，已經嗌走，連同卡卡巴、廸亞華都傳過同侯利亞不和，左翼馬隆達又有轉會傳聞，里昂捧唔過。
南特屬法國傳統球隊之一，攞過8次冠軍，今季降班都幾令人意外；好好睇睇，最後一場法甲賽事，都唔想輸埋；海外亞洲盤開出里昂讓一球/球半，照牌面計，肯定熱唔透，我貪心啲，博煞科戰大家握手言和，吼4.3倍和波。文：牽牛
今周災星：里昂
推介
主客和：星期六15
里昂和（4.3倍）