嚟到季尾，各大主要聯賽都相繼收「咧」，𠵱家得番3個聯賽仲有盤路度度；「紅盤王」最後1次同大家見面，希望好頭好尾啦。今期推介後日意甲煞科戰，國際米蘭主場大炒拖連奴收爐，個W太熱唔緊要，博國米贏5:0、5:1同「主其他」囉！
國米假假地都係今季意甲冠軍，點知同市宿敵AC米蘭就仲勁，啱啱砌低利物浦捧走歐聯錦標。𠵱家喺米蘭市，AC風頭肯定蓋過國米。淨係呢一點，國米仲唔趁煞科戰主場大炒對手攞番啲面子？
拖連奴近期贏過羅馬同阿斯科利，上場和埋利禾奴都基本上已護級成功；佢哋煞科戰仲有首席射手史泰倫、中場加奴同後衞彭卡路等主力缺陣，就算死守，應該都頂唔到幾耐。一旦失咗第1球，國米肯定上演「大屠殺」。雖然主隊都有伊巴謙莫域、韋拉同阿祖安奴等傷兵，但係教練文仙尼話明會出晒基斯普、費高同史坦高域呢啲攻擊球員，足智彩開個[-1]出嚟，要捧「主勝」啦！文︰畢傑
今周財星：國際米蘭
推介
讓球主客和：星期日9
國際米蘭勝[-1]（2.2倍）