人物：徐子淇
時間：01年2月17日
地點：日本箱根
經過：徐子淇現在已經貴為千億富豪新抱，為夫婿李家誠陀住金叵羅，佢當年出道做模特兒時着過唔少靚衫，不過令人印象最深刻嘅，係佢01年去日本箱根拍攝無綫節目《宇宙無敵獎門人》外景，喺雪地凍到凸點。
獎門人曾志偉當時同一班嘉賓喺雪地大玩「脫衣包剪揼」遊戲，輸咗嘅同組組員要除一件衫，每人限着四件衫同兩條褲，女藝人玩到尾聲就除剩泳衣，仲要喺雪地上罰企15分鐘，其實都幾慘情，睇落仲有啲收買人命㖭。
當年18歲卜卜脆嘅子淇唔好彩猜輸咗，喺得番1℃嘅情況下，除剩兩件頭泳衣，當時佢已經面有難色，加上凍到騰騰震，上圍凍到凸點。子淇發現自己咁尷尬嘅情形俾現場記者影晒相，就好無奈咁喊起上嚟，當然佢又好醒目咁用雙手遮住重要部位，當年仲係佢男朋友嘅洪天明即刻做護花使者上前安慰。問子淇係咪好唔開心？佢話：「冇喎，我着嗰件泳衣係問韓君婷借，因為自己嗰件洗咗未亁。」
子淇自從嫁咗入豪門，變得惜肉如金，所以呢張凸點相好珍貴吓㗎。
本欄逢周一至周六刊出