天氣炎熱，最暢快是沖冷水浴，不過對長者卻未必適宜。中風後行動不便的殷伯（72歲），近月家中熱水爐失靈，他怕用凍水洗澡會冷病，每日煲水沖涼又非常不便，甚是苦惱。
「拎住煲熱水好危險」
殷伯兩年前中風，自此雙腳乏力，每踏一步都倚靠柺杖扶助。近日其家中電熱水爐失靈，他要煲水洗澡，每次攜着一煲熱水由廚房步往浴室，一步一驚心，他歎道：「我行路都唔穩，仲要拎住煲熱水，真係好危險！」
殷妻20年前因心臟病去世，兩兒已婚，各有負擔。獨居多年的殷伯，原租住唐樓套房，三年前獲配公屋，一屋電器多是使用多年的老爺機，獨欠熱水爐，他遂節衣縮食，分期付款購置一部電熱水爐，怎料熱水爐近月故障，維修後仍然失靈，令殷伯陷困，「𠵱家真係好唔方便，但我冇能力再買過一部熱水爐囉，每個月都幾乎唔夠錢用！」殷伯退休前從事印刷工人，餐搵餐食，近年靠領綜援金維生。
蘋果日報慈善基金了解殷伯的情況後，正安排撥款助他購買電熱水爐，應付生活需要。
捐款編號：C2344