有些成年人發脾氣時會亂丟雜物發洩，小童也會丟雜物，一群家長在網上交流孩子高空擲物經驗，有人說孩子愛丟紙碎落街扮落雪，亦有細路「放飛機」，竟把父親一架20吋長的模型飛機「放」出街，幸好只是機毀，無人傷亡。
搣紙巾碎扮落雪
choco說日前目睹鄰居一個約3歲的小童，半小時內不斷把家中玩具丟落街，「啲玩具跌落街，叮叮噹噹咁響，佢就哈哈笑，樓下啲人講粗口鬧，佢都唔識驚。」他說這愛高空擲物的小童早有前科，「我有同佢媽媽反映過，佢媽咪都話會睇緊啲，但無用，其實小朋友丟嘢落街係咩心態？」
Jenes說他細個時也愛高空擲物，「無咩特別原因，覺得好玩。」另一為人母親的網民稱，好彩他的兒子只愛丟紙巾碎，「佢搣碎紙巾丟落街扮落雪，至少唔會整傷人。」另一家長在網上表示，孩子一度很愛高空擲物，最誇張是把逾呎長模型飛機丟落街，「有時都怕全屋嘅嘢忽然消失，佢丟晒落街。」
綱友大頭菜說應嚴肅地告訴孩子，高空擲物會令人受傷，「我同佢講，再丟嘢落街，就會有差人叔叔上門拉佢，佢之後好驚，跟住就冇丟過嘞。」