今日佛誕，一於煮齋應節──鐵板牛柳、炸蟹箝、三文魚……吓！冇聽錯喎，其實食齋都唔一定淨係瓜瓜菜菜咁單調，有部份素食佐料，以大豆纖維加工後，仿肉度十分高，口感豐富，配合蔬菜做成的素食，真係齋心齋口唔齋味，連「食肉獸」嘅朋友都啱食啦！
記者：趙珮倩 攝影：陳偉強
示範：大自然素食（21481163）
黃師傅
素食佐料店：恆福行食品公司（23336019）
日式鐵板素牛柳
需時：20分鐘 價錢：$35/2人
材料：鮮蘆笋4條、素牛柳1件、植物牛油1湯匙、生抽/鹽/老抽各少許
做法：先將蘆笋加鹽汆水備用；素牛柳切粒，以生抽/鹽/老抽醃5至10分鐘；爆香植物牛油，煎香素扒粒，蘆笋回鑊兜勻即可。
戒食五辛植物
一般素食者奉行的飲食戒條，除了不殺生之外，原來連蒜頭、洋葱、大蒜、韭菜、亁葱等五辛植物也不會吃，因有學佛修行者認為，這些植物會吸收地球上的「壞氣」，影響心、肝、脾、肺、腎以及增加慾念；所以嚴格來說，是不宜食用的﹗
素魚牛油果沙律
需時：10分鐘 價錢：$20/2人
材料：牛油果1個、素吞拿魚1罐、素三文魚1條（切幼粒）、檸檬1個（榨汁）、番茄1/2個、沙律醬適量、鹽少許
做法：牛油果去核起肉，混入三文魚粒/吞拿魚/番茄，加入檸檬汁/沙律醬拌勻，最後下鹽調味。
辣味脆豆腐
需時：15分鐘
價錢：$12/4人
材料：滑豆腐1磚、薯粉/生粉各1湯匙、鹽/辣椒粉各少許
做法：豆腐切件，以鹽水浸5至10分鐘，瀝亁，蘸上薯粉/生粉，放猛火油鑊炸3分鐘至金黃，撈起瀝油，撒上辣椒粉即可。
金沙蟹箝
需時：40分鐘
價錢：$30/4人
材料：素蟹箝6隻、鹹蛋黃3隻、植物牛油1湯匙、麵包糠適量
做法：素蟹箝蘸麵包糠慢火炸、浸5分鐘至黃金，撈起瀝油；鹹蛋黃蒸熟，放入焗爐以細火焗10至15分鐘至亁身，然後壓碎；爆香植物牛油，下鹹蛋黃煮勻，蟹箝回鑊兜勻即可。
缽仔南瓜芋頭燜鴨
需時：25分鐘
價錢：$20/4人
材料：日本南瓜/芋頭各1/2個（切件）、素煙鴨1/2條、椰汁/花奶各2茶匙、鹽/糖各2茶匙、豆粉各少許、生抽2湯匙
做法：芋頭/南瓜走油，加入8飯碗水/鹽、糖各1茶匙/生抽1湯匙燜3至4分鐘備用。椰汁/花奶/鹽、糖各1茶匙/生抽1湯匙/3飯碗水煮滾，下素煙鴨/芋頭/南瓜燜2至3分鐘，最後以豆粉埋芡即成。
