詩敏（22歲）與胞妹自幼由父親梁先生身兼母職撫養成人，三父女感情深厚。近日梁父（48歲）因肝癌病亡，遺下兩姊妹相依為命，更為缺錢辦理慈父身後事非常惆悵，遂向蘋果日報慈善基金求助。
詩敏坦言，對母親全無印象，從小到大，只與父親及較她年幼一歲的妹妹生活，「爸爸媽媽喺我3歲嗰陣離婚，咁多年嚟淨得爸爸一個人照顧我同妹妹，佢好錫我哋，好顧家。對於媽媽，我連佢個樣係點都冇印象，佢好似再婚，一直冇搵過我哋！」詩敏凝視眼前一張童年時與妹妹及父親的合照，黯然地說。
缺乏母愛已經可悲，父親又病殁，兩姊妹所承受的沉重打擊可想而知，「啲親戚全部喺大陸，呢幾日要搵姑姐落嚟幫手搞爸爸身後事，諗住火化之後將骨灰帶返鄉下庵堂擺放，但我哋連畀殯儀館落定嘅錢都冇，唔知點算！」
基金撥款付殮費
詩敏說，父親本任職點心師傅，去年患病後無法工作，需由她與胞妹輪流照顧，她做兼職售貨員，胞妹從事文員，兩人收入微薄，僅能勉強應付家計，現實難有餘錢辦理亡父殮葬事宜。
蘋果日報慈善基金了解梁家姊妹困境後，即從「殮葬專戶」撥款13,800元，直接向殯儀館支付梁父殮葬費，讓他早日入土為安。
「殮葬專戶」捐款編號：C0339