公共屋邨實施新禁煙規定已有一段日子，不過可能邨民之中「老槍」甚多，一時間難以完全遵照新規定，怕羞草便有一個「煙鏟」鄰居，經常在走廊吞雲吐霧，又亂丟煙頭，更離譜是在公眾地方做出不雅動作，「淨係着住條孖煙囪，突出個大肚腩，久唔久對住條柱磨下體，好惡心。」
據怕羞草透露，他住在屯門良景邨良華樓高層，他說其實平日有與對方打招呼，但近日他不文行徑變本加厲，才要「大義滅親」將其醜態公之於世，「佢次次食完煙，成地都係煙灰，仲要將煙頭拋落街，無法無天！」除了迫鄰居食二手煙，這名缺德阿伯還不時在走廊做出不雅動作，「成日對住條柱磨自己下體，搞到好污糟，真係好核突。」怕羞草聲稱曾目睹對方露出下體。
「偷拍有啲小題大做」
鄰居有滋擾行為，他說曾向屋邨管理處、控煙辦投訴，但通通沒有下文，「大家可唔可以幫手，諗吓計，睇吓有冇方法治吓佢。」網友看過怕羞草提供的短片後，無不聲討不文阿伯為老不尊，Stan建議他在柱上「做手腳」，「你喺條柱上面搽啲萬能膠，咁佢再磨就同碌柱永不分離。」
也有網友認為怕羞茸不應大驚小怪，「佢似做運動多過磨柱喎，如果你唔鍾意佢食煙，可以直接同佢講，偷拍人哋再放上網，好似有啲小題大做。」