一直被指是同志的黃耀明，前晚與何韻詩演出新城音樂會時，不但就《中大學生報》情色版風波力撐中大學生，而且更獻唱描寫同志心聲的歌曲《光明會》，揚言何韻詩跟他是同一種人，無疑暗示阿詩是女同志。
何韻詩、黃耀明、方大同和張繼聰等，前晚在灣仔會展演出「新城好友音樂會」，明哥的出現掀起高潮，尤其他與阿詩合唱《艷光四射》時，主動錫對方一啖，阿詩即回敬撫摸明哥俊臉。之後明哥從後抱着阿詩，二人面貼面共用一支咪唱歌，又咀又拖手，非常熱情。
撐中大學生報
阿詩唱完《光明會》，明哥即要求重唱，並說：「雖然阿詩唱咗，但我好鍾意首歌，送畀何韻詩同鍾意何韻詩嘅人，我哋都係呢種人。」他說罷更舉起手指。這首由黃偉文作詞的《光明會》描述同志心聲，明哥此舉除呼應曲中「若是這種人請你馬上舉手獻身」這一句，同時也暗指自己和阿詩都是同志。
及後明哥接受訪問，解釋選唱此曲的原因說：「睇到中大學生報（學生報色情版），支持、鼓勵佢哋，佢哋冇做錯，希望佢哋上訴得直。我哋社會可以好開放講啲禁忌，任何嘢都可以光明正大講，講咗唔代表你贊成嗰樣嘢，但唔講就冇咗公平討論。中大係學術機構，有言論自由，學校都唔可以講，出嚟社會就更加難。」
明哥指他與阿詩是同一種人，究竟所指是甚麼？他說：「係我同佢一樣係光明正大嘅人，我已經答過好多年，但我可唔可以代表阿詩答。」記者直接問明哥是否同志，他說：「我覺得唔需要直接答你，我要講嘅已經喺歌曲同平時生活表達晒。」
不理別人看法
對於明哥的「同一種人」言論，阿詩反問道：「都係咁正、咁型、咁艷？」問她會否認同時，她笑說：「我𦧲10啖飯應。」記者再問她明哥所講是那種人？阿詩說：「係型人靚人，一啲偏鋒嘅人。」明哥認為同性戀沒問題，阿詩也說：「我從來覺得冇問題，有問題就唔會放喺歌曲入面，只係大家將性取向太當係一回事。」阿詩的性取向一直成疑，問她會否介意別人睇法？她說：「從來唔覺得要介意，唔當一回事，反而覺得冇所謂。」
採訪：駱華齡 攝影：陳俊強
《光明會》歌詞節錄
作曲：hocc@goomusic
作詞：黃偉文
這群人不曾同台 偏偏不陌生
分途來修行 發着貼心聲音
不尋常的人 不平凡的人
不回頭的人
我們的計劃就要變真
就像個軍團一個秘密組織誕生
十萬個黨員潛伏各大城鎮
若是這種人請你馬上舉手獻身
別再等朝代應該變更
