好多人都以為混能車係近呢幾年嘅事，但查實Toyota生產嘅Prius混能車已經推出咗成10年！Prius嘅出現，一開始已經被視為大Project、係影響Toyota命運嘅重要產品；事實上10年後嘅今日，Prius已經充份證明咗佢嘅重要性。乜話？你好少見到Prius喺街行？唔出奇吖，我悠穎馳都好少見到，佢之所以重要，其實係重要在副偈！Prius嘅引擎係多項突破技術嘅結晶，而喺油電雙動力車嘅技術方面，Toyota係處於世界領導地位，而呢方面嘅專利權有成350項，就連Ford推出嘅Escape亦要向Toyota購買相關嘅技術，即係話除非其他汽車生產商可以有相當突破嘅設計，否則都肯定會踩中Toyota某啲嘢嘅專利權，要乖乖付上專利費。
咁即係點？即係話以後Toyota即使乜都唔做，都會有人乖乖送錢過佢使囉，所以你話Prius嘅重要性係幾咁大呢！
悠穎馳
豪邁不羈，愛車如命，聽幾下引擎聲就知咩車！